TERRAS DE LOUREDO

Terras de Louredo nace para compartir e poñer en valor a historia e o patrimonio —material e inmaterial— do noso territorio. Queremos que cada lector poida achegarse ao pasado da súa terra e reforzar ese vínculo íntimo que nos une ao lugar do que vimos.

Cremos que coñecer a propia identidade é unha guía silenciosa que nos axuda a avanzar xuntos cara ao futuro. Por iso traballamos para crear conciencia social e contribuír á conservación do patrimonio local, para que chegue vivo ás xeracións que aínda están por vir.

Neste portal recuperaremos nomes esquecidos, visitaremos xacementos cheos de memoria, evocaremos vidas recentes, mergullarémonos en lendas que esmorecen e descubriremos, con mirada renovada, os monumentos máis senlleiros da contorna.

Terras de Louredo é un proxecto común da Asociación Cultural Amigos do Patrimonio de Toén e á Asociación Porta da Cadea de Sobrado (Barbadás), que está aberto a persoas e colectivos de calquera lugar, porque a historia non entende de fronteiras. Agardamos que gocedes desta viaxe tanto como nós gozamos contándoa.